Thursday, April 22, 2021

පරිපූර්ණ මාධ්‍ය වෘත්තිකයන් බිහි කිරීම සඳහා වන මාධ්‍ය අධ්‍යන ආයතනයක්

Must read

ක්‍රීඩාව කිසිසේත් දේශපාලනීකරණය වීමට ඉඩ තබන්නේ නෑ – අමාත්‍ය නාමල් රාජපක්ෂ

ක්‍රීඩාව කිසිසේත් දේශපාලනීකරණය වීමට ඉඩ නොතබන බව ක්‍රීඩා අමාත්‍ය නාමල් රාජපක්ෂ මහතා (21) පාර්ලිමේන්තුවේ දී අවධාරණය කළේය.

VVIP ප‍්‍රභූ පිරිසක් විශේෂ ගුවන් යානයකින් කෙන්යාවට.. නිරූපිකාවන්ද එක්වෙයි..

අති විශේෂ ප්‍රභූන් පිරිසක් රැගත් ශ්‍රී ලංකන් ගුවන් යානයක් එළඹෙන 29 වැනිදා කෙන්යාවේ නයිරෝබි ගුවන්තොටුපල වෙත යාමට...

සෞදි බන්ධනාගාරවල සිටින ලාංකික කතුන් වහාම ලංකාවට ගෙන්වන්න වැඩපිළිවෙළක් ඇරඹෙයි

සෞදි අරාබියේ රැඳවුම් කඳවුරවල හෙවත් බන්ධනාගාරවල සිටින ශ්‍රී ලාංකික කතුන් කඩිනමින් ශ්‍රී ලංකාවට ගෙන්වා ගැනීමට පියවර ගන්නා...

නවීන ලෝකයට මුහුණ දියහැකි වෘත්තීය නිපුණතාවන්ගෙන් පරිපූර්ණ මාධ්‍ය වෘත්තිකයන් බිහි කිරීම සඳහා වන මාධ්‍ය අධ්‍යන ආයතනයක් ඉදිරි මාස කිහිපය තුළ ස්ථාපිත කිරීමට ජනමාධ්‍ය අමාත්‍යාංශය සැලැසුම් කර ඇත.

රට හදන සෞභාග්‍යයේ දැක්මෙහි සඳහන් ආකාරයට ඉහළ නිපුණතා සහිත මාධ්‍ය වෘත්තිකයන් බිහි කිරීම සඳහා ජාත්‍යන්තර ප්‍රමිතීන්ට අනුකූලව රාජ්‍ය අනුග්‍රහය සහිත ජනමාධ්‍ය උසස් අධ්‍යාපන ආයතනයක් පිහිටුවීම යටතේ මෙම අධ්‍යයන ආයතනය ස්ථාපිත කෙරේ.

මේ සඳහා වන විශේෂ සාකච්ඡාවක් (15) ජනමාධ්‍ය අමාත්‍යංශයේ දී ජනමාධ්‍ය අමාත්‍ය කැබිනට් ප්‍රකාශක ආචාර්ය කෙහෙලිය රඹුක්වැල්ල මහතාගේ ප්‍රධානත්වයෙන් පැවැත්විණි.

ශ්‍රී ලංකා පදනම් ආයතනය කේන්ද්‍රකරගෙන මෙහි මූලික වැඩපිළිවෙළ ආරම්භ කෙරෙන අතර ඒ අනුව 2021/2022 වසර සඳහා පාඨමාලා ආරම්භ කිරීම සිදු කෙරේ.

මුද්‍රිත විද්‍යුත් හා සමාජ මාධ්‍ය ඇතුළු සියලු මාධ්‍ය ආවරණය වන සේ මාධ්‍යවේදීන් පුහුණු කිරීමේ ආයතනයක් ලෙස මෙය ස්ථාපිත කිරීමට යෝජනා වී තිබේ.
රාජ්‍ය හා පෞද්ගලික මාධ්‍ය ආයතනයන්හි මාධ්‍යවේදීන්ට සමාන ලෙස තම වෘත්තීය දැනුම වර්ධනය කර ගත හැකි ස්වාධීන ආයතනයක් ලෙස මෙය සකස්විය යුතු බවට ඒ සඳහා වන යෝජනා අතර වේ.

මාධ්‍ය ක්ෂේත්‍රයට අලුතින් ඇතුළු වන ආධුනිකයන්ටද දැනුම සඳහා ප්‍රවේශයක් තිබිය යුතු බවත් ඒ සඳහා න්‍යායාත්මක හා ප්‍රායෝගික පුහුණුව ලබාදෙන ජනමාධ්‍ය උසස් අධ්‍යාපන ආයතනයක් ලෙස මෙය පිහිටුවීමට යෝජනා වී තිබේ. 2023 වන විට මෙය ස්වාධීන ආයතනයක් ලෙස පාර්ලිමේන්තු පනතක් ඔස්සේ ක්‍රියාත්මක කිරීමට සැලසුම් කර ඇත .

මාධ්‍ය උපාධි අධ්‍යන ආයතනයක් මෙන්ම වරලත් ආයතනයක් ලෙස වෘත්තීය මාධ්‍ය ක්ෂේත්‍රයට නව පාඨමාලා හඳුන්වා දෙමින් නවීන ලෝකයට ගැළපෙන ලෙස මෙරට මාධ්‍ය ක්ෂේත්‍රයට පිවිසෙන්නන් සඳහා පූර්ණ පුහුණුව මෙන්ම දැනුම ලබා දීම මෙමගින් අපේක්ෂා කෙරේ.

ලොව සාර්ථක වුණු මෙවැනි ආයතන පිළිබඳව පසු විපරමක් කර එමගින් ඉදිරියට යන වැඩපිළිවෙළක් මේ තුළ සකස් කරගත යුතු බව අමාත්‍ය කෙහෙලිය රඹුක්වැල්ල මහතා මෙහිදී පෙන්වා දුන්නේය.

ඒ සඳහා වන ශක්තිමත් අත්තිවාරමක් ලෙස මේ වන විට මෙම මාධ්‍ය අධ්‍යයන ආයතනයට මූලික වැඩපිළිවෙළ සකස් කර ඇතැයිද ඒ සඳහා මාධ්‍ය ක්ෂේත්‍රයේ ප්‍රවීණ මෙන්ම දැනුමැති කණ්ඩායමක් එක්ව තිබීම තුළ එය යථාර්ථවත් වනු ඇතැයිද අමාත්‍ය රඹුක්වැල්ල මහතා පෙන්වා දෙයි.

ජනමාධ්‍ය අමාත්‍යංශයේ ලේකම් ජගත් පී. විජේවීර, කැළණිය විශ්වවිද්‍යාලයේ සම්මානිත මහාචාර්ය සුනන්ද මහේන්ද්‍ර යන මහත්වරුන් ඇතුළු පිරිසක් මේ සඳහා එක්ව සිටියහ.

- Advertisement -

More articles

LEAVE A REPLY

Please enter your comment!
Please enter your name here

- Advertisement -

Latest article

ක්‍රීඩාව කිසිසේත් දේශපාලනීකරණය වීමට ඉඩ තබන්නේ නෑ – අමාත්‍ය නාමල් රාජපක්ෂ

ක්‍රීඩාව කිසිසේත් දේශපාලනීකරණය වීමට ඉඩ නොතබන බව ක්‍රීඩා අමාත්‍ය නාමල් රාජපක්ෂ මහතා (21) පාර්ලිමේන්තුවේ දී අවධාරණය කළේය.

VVIP ප‍්‍රභූ පිරිසක් විශේෂ ගුවන් යානයකින් කෙන්යාවට.. නිරූපිකාවන්ද එක්වෙයි..

අති විශේෂ ප්‍රභූන් පිරිසක් රැගත් ශ්‍රී ලංකන් ගුවන් යානයක් එළඹෙන 29 වැනිදා කෙන්යාවේ නයිරෝබි ගුවන්තොටුපල වෙත යාමට...

සෞදි බන්ධනාගාරවල සිටින ලාංකික කතුන් වහාම ලංකාවට ගෙන්වන්න වැඩපිළිවෙළක් ඇරඹෙයි

සෞදි අරාබියේ රැඳවුම් කඳවුරවල හෙවත් බන්ධනාගාරවල සිටින ශ්‍රී ලාංකික කතුන් කඩිනමින් ශ්‍රී ලංකාවට ගෙන්වා ගැනීමට පියවර ගන්නා...

යාපනය පොලිසියෙන් කොරෝනා පොකුරක්….

යාපනය පොලිස් ස්ථානයේ සේවයේ නිරත පොලිස් නිලධාරීන් 11 දෙනෙකුට එක් දිනක් තුලදී කොරෝණා වෛරසය ආසාදනය වී ඇති...