Tuesday, June 22, 2021

වැලි කැනීම හා බෙදාහැරීම සිදු කිරීමට නියාමන ව්‍යාපෘතියක්

Must read

අර්බුදය උපරිමයේ… ICU කොරෝනා ලෙඩුන්ගෙන් පිරී යයි.. රජයේ රෝහල්වල සාමාන්‍ය සැත්කම් නවතා දමයි.

රජයේ රෝහල්වල දැඩි සත්කාර ඒකක ඇඳන් කොරෝනා ආසාදිතයන්ගෙන් පිරී යන තත්ත්වයක් මේ වන විට උද්ගතව තිබීම හේතුවෙන්...

කොවිඩ් ප්‍රතිකාර මධ්‍යස්ථාන සහ පහසුකම් සෞඛ්‍ය අමාත්‍යවරියගේ නිරික්ෂණයට – නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09ක්

කොවිඩ් මර්දන වැඩපිළිවෙල පළාත් මට්ටමින් නිරීක්ෂණයට සහ සම්බන්ධීකරණයට නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09 ක් පත් කළ...

මහ ජාතික ව්‍යවසනයක් ඉදිරියේ.. විශාල පිරිසක් මිය යාවි..- ජනපතිට තීරණාත්මක ලිපියක්…

ට පුරා සිදුවෙමින් ඇති කොරෝනා වෛරස ව්‍යාප්තිය මත දැඩි සංචරණ සීමා ඉක්මනින්ම පැනවීමට කටයුතු නොකරන්නේ නම් ඉදිරියේදී...

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදෙනවා – ඇමති ප්‍රසන්න රණතුංග

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදීමට...

ඉහළ යන වැලි මිල පාලනයට දිස්ත්‍රික්ක 03ක වැලි කැණීම් කටයුතුවල නිරතවන්නන්ගේ සමුපකාර සමිති මගින් වැලි කැනීම හා බෙදාහැරීම සිදු කිරීමට නියාමන ව්‍යාපෘතියක්.

මේ වනවිට අප රටේ ඉදි කිරීම් ක්ෂේත්‍රය තුළ වැලි මිල සීග්‍ර ලෙස ඉහළයාමේ ප්‍රවණතාවයක් පවතී. මනම්පිටියේ වැලි කියුබ් 03ක වැලි ටිපර් එකක් රුපියල් 14,000ක් වැනි මිලක් වුවද ඒවා කොළඹ ඇතුළු අනිකුත් ප්‍රදේශවලට ප්‍රවාහණයේ දී මේ වනවිට රුපියල් 65,000 දක්වා ඉහළ ගොස් ඇතැයි වාර්තා වී තිබේ.

එමනිසා වැලි මිල ඉහළ යාම වැළැක්වීම සඳහා සුදුසු වැඩ පිළිවෙළක් වහාම සකස් කරන්නැයි පරිසර අමාත්‍ය මහින්ද අමරවීර මහතා භූ විද්‍යා සමීක්ෂණ හා පතල් කාර්යාංශයේ නිලධාරීන්ට ඊයේ (02) උපදෙස් දුන්නේය.

ඊයේ (02) පස්වරුවේ පරිසර අමාත්‍යාංශයේ දී පැවැති සාකච්ඡාවක දී අමාත්‍යවරයා වැලි මිල ඉහළ යාම පාලනය, වැලි බෙදාහැරීමේ දී ජාවාරම්කරුවන් පිරිසක් විසින් අධීක ලෙස මුදල් අය කරමින් මහජනතාව ගසා කෑම, මහවැලි ගඟෙහි වැලිවලට වෙනත් වැලි වර්ග කළවම් කර අලෙවි කිරීම, ඇණවුම් කරන නියමිත ප්‍රමාණයෙන් වැලි මහජනතාවට නොලැබීම වැනි කරුණු රැසක් සම්බන්ධව මෙහි දී සාකච්ඡා කරනු ලැබීය.

ඒ අනුව වැලි ජාවාරම නැවැත්වීමටත්, වැලි මිල ඉහළ යාම පාලනය කිරීම සඳහා සමුපකාර සමිති ක්‍රමයක් මගින් වැලි කැණීම් කටයුතු හා බෙදා හැරීම් සිදු කිරීමට මෙහිදී යෝජනා විය. ඒ අනුව මඩකලපුව, ත්‍රිකුණාමලය, හා පොළොන්නරුව දිස්ත්‍රික්ක තුනෙහි තෝරා ගන්නා ලද ස්ථාන 06ක් ආශ්‍රිතව වැලි කැණීම්කරන්නන් ගේ සමුපකාර සමිති පිහිටුවීමත්, වැලි කැණීම හා ප්‍රවාහණය සඳහා නියාමණ ව්‍යාපෘතියක් එම දිස්ත්‍රික්ක 03 ආශ්‍රීතව ක්‍රියාත්මක කිරීමටත් තීරණය විය.

මෙම වැලි කැණීම් සම්බන්ධ සමුපකාර පිහිටුවීමේ නියාමණ ව්‍යාපෘතියේ දී වැලි කැණීම් කටයුතු සඳහා සමෘද්ධිලාභී පවුල්වල සාමාජිකයින් යොදා ගැනීම මගින් එම පවුල්වලට අමතර ආදායමක් ලබා ගැනීමට හැකි වන පරිදි වැඩ පිළිවෙළක් සකසන්නැයි ද අමාත්‍යවරයා මෙහිදී උපදෙස් දුන්නේය.

කෙසේ වුවද දේශපාලනඥයින් විශාල වශයෙන් වැලි, පස්, කැණීම් කටයුතු සඳහා මැදිහත්වන බව පැවසු අමාත්‍යවරයා ප්‍රමුඛත්වය ලබා දිය යුත්තේ දේශපාලකයින්ට නොව වැලි කැණිම් සිදුකළ හැකි ප්‍රදේශවල ජීවත්වන අඩු ආදායම්ලාභී පවුල්වලට ආදායමක් ලබා ගත හැකි වන පරිදි බව ද ප්‍රකාශ කළේය.

නියාමණ ව්‍යාපෘතියක් වශයෙන් මෙම වැලි කැණීම් කටයුතුවල නිරතවන්නන්ගේ සමුපකාර සමිති ක්‍රමය කඩිනමින් ආරම්භ කරන ලෙස ද අමාත්‍යවරයා උපදෙස් දුන්නේය.

අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ, මධ්‍යම පරිසර අධිකාරියේ සභාපති සිරිපාල අමරසිංහ, භූ විද්‍යා සමීක්ෂණ හා පතල් කාර්යාංශයේ සභාපති අනුර වල්පොළ යන මහත්වරු ද මෙම සාකච්ඡාවට සහභාගි වුහ.

- Advertisement -

More articles

LEAVE A REPLY

Please enter your comment!
Please enter your name here

- Advertisement -

Latest article

අර්බුදය උපරිමයේ… ICU කොරෝනා ලෙඩුන්ගෙන් පිරී යයි.. රජයේ රෝහල්වල සාමාන්‍ය සැත්කම් නවතා දමයි.

රජයේ රෝහල්වල දැඩි සත්කාර ඒකක ඇඳන් කොරෝනා ආසාදිතයන්ගෙන් පිරී යන තත්ත්වයක් මේ වන විට උද්ගතව තිබීම හේතුවෙන්...

කොවිඩ් ප්‍රතිකාර මධ්‍යස්ථාන සහ පහසුකම් සෞඛ්‍ය අමාත්‍යවරියගේ නිරික්ෂණයට – නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09ක්

කොවිඩ් මර්දන වැඩපිළිවෙල පළාත් මට්ටමින් නිරීක්ෂණයට සහ සම්බන්ධීකරණයට නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09 ක් පත් කළ...

මහ ජාතික ව්‍යවසනයක් ඉදිරියේ.. විශාල පිරිසක් මිය යාවි..- ජනපතිට තීරණාත්මක ලිපියක්…

ට පුරා සිදුවෙමින් ඇති කොරෝනා වෛරස ව්‍යාප්තිය මත දැඩි සංචරණ සීමා ඉක්මනින්ම පැනවීමට කටයුතු නොකරන්නේ නම් ඉදිරියේදී...

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදෙනවා – ඇමති ප්‍රසන්න රණතුංග

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදීමට...

ලොක්ඩවුන් ගැන ඖෂධ ඇමති කියයි…

මේ මොහොතේ රට වසා දැමීම සම්බන්ධයෙන් ගනු ලබන්නේ දේශපාලන තීන්දුවක් නොව සෞඛ්‍ය හා ආරක්‍ෂක අංශ ඒකාබද්ධව ගනු...