Friday, May 14, 2021

ශිෂ්‍යයන් අවම රජයේ පාසල්වල යටිතල පහසුකම් සංවර්ධනය කිරීමේ සැලැස්මක් මාස 04 ඇතුළත සකසන්න – රජයේ ගිණුම් පිළිබඳ කාරක සභාව

Must read

අර්බුදය උපරිමයේ… ICU කොරෝනා ලෙඩුන්ගෙන් පිරී යයි.. රජයේ රෝහල්වල සාමාන්‍ය සැත්කම් නවතා දමයි.

රජයේ රෝහල්වල දැඩි සත්කාර ඒකක ඇඳන් කොරෝනා ආසාදිතයන්ගෙන් පිරී යන තත්ත්වයක් මේ වන විට උද්ගතව තිබීම හේතුවෙන්...

කොවිඩ් ප්‍රතිකාර මධ්‍යස්ථාන සහ පහසුකම් සෞඛ්‍ය අමාත්‍යවරියගේ නිරික්ෂණයට – නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09ක්

කොවිඩ් මර්දන වැඩපිළිවෙල පළාත් මට්ටමින් නිරීක්ෂණයට සහ සම්බන්ධීකරණයට නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09 ක් පත් කළ...

මහ ජාතික ව්‍යවසනයක් ඉදිරියේ.. විශාල පිරිසක් මිය යාවි..- ජනපතිට තීරණාත්මක ලිපියක්…

ට පුරා සිදුවෙමින් ඇති කොරෝනා වෛරස ව්‍යාප්තිය මත දැඩි සංචරණ සීමා ඉක්මනින්ම පැනවීමට කටයුතු නොකරන්නේ නම් ඉදිරියේදී...

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදෙනවා – ඇමති ප්‍රසන්න රණතුංග

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදීමට...

ශිෂ්‍ය සංඛ්‍යාව සාපේක්ෂ වශයෙන් අවම වූ රජයේ පාසල්වල යටිතල පහසුකම් සංවර්ධනය කිරීමේ සැලැස්මක් මාස 04 ඇතුළත සකසන ලෙස රජයේ ගිණුම් පිළිබඳ කාරක සභාව අධ්‍යාපන අමාත්‍යාංශයේ ලේකම් මහාචාර්‍ය කපිල පෙරේරා මහතාට දැනුම් දුන්නේය.

ශිෂ්‍ය සංඛ්‍යාව 200 ට අඩු පාසල් 5161 ක් මෙරට තුළ පවතින අතර, එම පාසල් රැසක ගුණාත්මකභාවය පිළිබඳ ගැටළු රැසක් මතුව ඇති බවත්, ඒම තත්ත්වය පිළිබඳව සොයා බැලීමට අධ්‍යනයක් කළ යුතු බවත්, ඊට අදාළ සම්පත්දායකයන් ස්වේච්ජා පදනමින් සභභාගී කරගන්නා ලෙසත්, කාරක සභාව මහාචාර්‍ය කපිල පෙරේරා මහතාට දැනුම් දුන්නේය

ශිෂ්‍ය සංඛ්‍යාව සාපේක්ෂ වශයෙන් අවම වූ රජයේ පාසල්වල කාර්‍ය සාධනය විමසා බැලීම සඳහා පාර්ලිමේන්තු මන්ත්‍රී මහාචාර්‍ය තිස්ස විතාරණ මහතාගේ සභාපතිත්වයෙන් කාරක සභාව පාර්ලිමේන්තු පරිශ්‍රයේදී රැස් වු අවස්ථාවෙිදීය.

මෙම පාසල්වල පවතින ජල ගැටලුව මෙන්ම වැසිකිලි ගැටලුව විසඳීම සඳහා කඩිනමින් කටයුතු කිරීමේ අවශ්‍යතාවයද කාරක සභාවේදී මතුවිය. පාසල් සඳහා නිසි සම්බන්ධීකරණයක් නොමැතිවීම හේතුවෙන් සම්පත් විෂමතාවක් මතුව තිබෙන බවද කාරක සභාව කීවේය.

ශිෂ්‍ය සංඛ්‍යාව 200 ට අඩු පාසල් 5161 ක් මෙරට තුළ පවතින අතර, එම පාසල් රැසක ගුණාත්මකභාවය පිළිබඳ ගැටළු රැසක් මතුව ඇති බවත්, ඒම තත්ත්වය පිළිබඳව සොයා බැලීමට අධ්‍යනයක් කළ යුතු බවත්, ඊට අදාළ සම්පත්දායකයන් ස්වේච්ජා පදනමින් සභභාගී කරගන්නා ලෙසත්, කාරක සභාව අධ්‍යාපන අමාත්‍යාංශයේ ලේකම් මහාචාර්‍ය කපිල පෙරේරා මහතාට දැනුම් දුන්නේය.

පාසල් ව්‍යුහ කටයුතු පිළිබඳ උපදෙස් සංග්‍රහය , අධ්‍යාපන පරිපාලන විද්වතුන්ගේ අධික්ෂණය යටතේ කාලීනව සංශෝධන කළ යුතු බව ද රජයේ ගිණුම් පිළිබඳ කාරක සභාව අධ්‍යාපන බලධාරින්ට පැවසීය.
දරුවන් පාසල්වලට ඇතුළත් කිරීමේදී දෙමාපියන්ගේ පාසල් සම්බන්ධයෙන් ඇති ආකල්ප වෙනස්වන පරිදි පාසල් සංවර්ධනය කිරීමේ අවශ්‍යතාව කාරක සභාව පෙන්වා දුන්නේය.

පාසල් ආරම්භ කිරීම, වසා දැමීම හා නියාමනය සිදු කිරීම පාසල් ව්‍යුහ කටයුතු පිළිබඳ උපදෙස් සංග්‍රහයට අනුගතව සිදු කළ යුතු බව කාරක සභාව මෙහිදී පැවසීය. ජනප්‍රිය නොවන පාසල්වලට ගුරුවරුන් හා විදුහල්පතිවරුන් ස්ථාන මාරු කිරීමේදී එම මාරු නියෝග ක්‍රියාත්මක කිරීම අධීක්ෂණය කිරීමේ වැදගත්කම සම්බන්ධයෙන්ද කාරක සභාවේ අවධානය යොමු විය.

පාසලක විභාග ප්‍රතිඵල ශිෂ්‍යයින් ආකර්ශනය කර ගැනීමේ ප්‍රධාන නිර්ණායකයක් වන බැවින් මෙම පාසල්වල විභාග ප්‍රතිඵල වර්ධනය කර ගැනීමට අදාළ විශේෂිත වැඩසටහන් ක්‍රියාත්මක කිරීමේ අවශ්‍යතාවද කාරක සභාව පෙන්වා දුන්නේය.

සියලු පාසල් සඳහා අධ්‍යාපන පරිපාලන වාර්තාවක් තබාගත යුතු අතර, විවිධ ව්‍යාපෘති යටතේ මුදල් වෙන් කිරීමේදී එම වාර්තාව පදනම් කර ගැනීම යෝග්‍ය බවද කාරක සභාවේ සභාපති පාර්ලිමේන්තු මන්ත්‍රී මහාචාර්‍ය තිස්ස විතාරණ මහතා පෙන්වා දුන්නේය.

2013 වසරේ සිට 2017 වසර දක්වා කාලය තුළ පාසල් 93 ක් සිසුන් නොමැතිවීම, රටේ පැවැති වතාවරණය හා වෙනත් හේතු මත වසා දමා තිබූ බව රජයේ ගිණුම් පිළිබඳ කාරක සභාවේදී අනාවරණය විය. 2018 වසර තුළදී පමණක් වසා දමා තිබු පාසල් සංඛ්‍යාව 101 කි.

ශිෂ්‍ය සංඛ්‍යාව සාපේක්ෂ වශයෙන් අවම වූ රජයේ පාසල්වල ඉගෙනුම ලබන ශිෂ්‍යයින්ගේ කැමැත්ත පරිදි ද්විතියික අංශයේ කාණ්ඩ විෂයන් තෝරා ගැනීමට අවස්ථාව නොමැති වීම හේතුවෙන් ඔවුන් පීඩාවට පත්ව සිටින බවද කාරක සභාවේදී සාකච්ජා විය. මෙම පාසල් බොහොමයක එම විෂයන් උගන්වන ගුරුවරුන් නොමැති වීම ඊට ප්‍රධාන හේතුව වී තිබේ. ප්‍රාථමික අංශය සඳහා ගුරුවරුන් නොමැතිවීම ද ශිෂ්‍ය සංඛ්‍යාව සාපේක්ෂ වශයෙන් අවම වූ රජයේ පාසල් මුහුණ දෙන්නා වූ තවත් ගැටලුවක් බවද කාරක සභාවේදී අනාවරණය විය.

පසුගිය රජය සමයේ ක්‍රියාත්මක කළ “ළඟම පාසල හොඳම පාසල” ව්‍යාපෘතිය වෙනුවෙන් රුපියල් මිලියන 64,930 ක් වෙන් කර තිබූ අතර (2016-2020 කාලය සඳහා) 2018 වසරේ දෙසැම්බර් 31 වැනි දින වනවිට රුපියල් මිලියන 31,234.77 ක් වැයකර තිබූ බවත්, එම ව්‍යාපෘතිය යටතේ ඇතැම් අවස්ථාවලදී අවශ්‍යතාවයන් නිසිලෙස අධ්‍යයනය නොකර පාසල්වලට සම්පත් ලබා දී තිබූ බවත් කාරක සභාවේදී සාකච්ජා විය.

නව පාසලක් පිහිටුවීම සඳහා අවම වශයෙන් අක්කර 02 ක භූමි ප්‍රමාණයක් අවශ්‍ය වුවද එම ඉඩ ප්‍රමාණය නොමැති සිසුන් 200 ට අඩු පාසල් 25ක් පමණ නිකවැරටිය අධ්‍යාපන කලාපයේ පමණක් පවතින බව කාරක සභාවේදී අද අනාවරණය විය.

මේ අවස්ථාවට පාර්ලිමේන්තු මන්ත්‍රීවරයන් වන බී.වයි.ජි රත්නසේකර, වෛද්‍ය උපුල් ගලප්පත්ති, තිස්ස අත්තනායක, ආචාර්‍ය හරිනි අමරසූරිය යන මහත්ම මහත්මීහු ඇතුළු රාජ්‍ය නිලධාහු පිරිසක් සභභාගි වූහ.

- Advertisement -

More articles

LEAVE A REPLY

Please enter your comment!
Please enter your name here

- Advertisement -

Latest article

අර්බුදය උපරිමයේ… ICU කොරෝනා ලෙඩුන්ගෙන් පිරී යයි.. රජයේ රෝහල්වල සාමාන්‍ය සැත්කම් නවතා දමයි.

රජයේ රෝහල්වල දැඩි සත්කාර ඒකක ඇඳන් කොරෝනා ආසාදිතයන්ගෙන් පිරී යන තත්ත්වයක් මේ වන විට උද්ගතව තිබීම හේතුවෙන්...

කොවිඩ් ප්‍රතිකාර මධ්‍යස්ථාන සහ පහසුකම් සෞඛ්‍ය අමාත්‍යවරියගේ නිරික්ෂණයට – නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09ක්

කොවිඩ් මර්දන වැඩපිළිවෙල පළාත් මට්ටමින් නිරීක්ෂණයට සහ සම්බන්ධීකරණයට නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09 ක් පත් කළ...

මහ ජාතික ව්‍යවසනයක් ඉදිරියේ.. විශාල පිරිසක් මිය යාවි..- ජනපතිට තීරණාත්මක ලිපියක්…

ට පුරා සිදුවෙමින් ඇති කොරෝනා වෛරස ව්‍යාප්තිය මත දැඩි සංචරණ සීමා ඉක්මනින්ම පැනවීමට කටයුතු නොකරන්නේ නම් ඉදිරියේදී...

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදෙනවා – ඇමති ප්‍රසන්න රණතුංග

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදීමට...

ලොක්ඩවුන් ගැන ඖෂධ ඇමති කියයි…

මේ මොහොතේ රට වසා දැමීම සම්බන්ධයෙන් ගනු ලබන්නේ දේශපාලන තීන්දුවක් නොව සෞඛ්‍ය හා ආරක්‍ෂක අංශ ඒකාබද්ධව ගනු...