Tuesday, June 22, 2021

සෞඛ්‍ය මාර්ගෝපදේශ අනුව මෙරටදී දේශීය හා ජාත්‍යන්තර සමුළු, සම්මන්ත්‍රණ හා ප්‍රදර්ශන පැවැත්වීමට රජයේ අවධානය -සංචාරක ඇමති

Must read

අර්බුදය උපරිමයේ… ICU කොරෝනා ලෙඩුන්ගෙන් පිරී යයි.. රජයේ රෝහල්වල සාමාන්‍ය සැත්කම් නවතා දමයි.

රජයේ රෝහල්වල දැඩි සත්කාර ඒකක ඇඳන් කොරෝනා ආසාදිතයන්ගෙන් පිරී යන තත්ත්වයක් මේ වන විට උද්ගතව තිබීම හේතුවෙන්...

කොවිඩ් ප්‍රතිකාර මධ්‍යස්ථාන සහ පහසුකම් සෞඛ්‍ය අමාත්‍යවරියගේ නිරික්ෂණයට – නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09ක්

කොවිඩ් මර්දන වැඩපිළිවෙල පළාත් මට්ටමින් නිරීක්ෂණයට සහ සම්බන්ධීකරණයට නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09 ක් පත් කළ...

මහ ජාතික ව්‍යවසනයක් ඉදිරියේ.. විශාල පිරිසක් මිය යාවි..- ජනපතිට තීරණාත්මක ලිපියක්…

ට පුරා සිදුවෙමින් ඇති කොරෝනා වෛරස ව්‍යාප්තිය මත දැඩි සංචරණ සීමා ඉක්මනින්ම පැනවීමට කටයුතු නොකරන්නේ නම් ඉදිරියේදී...

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදෙනවා – ඇමති ප්‍රසන්න රණතුංග

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදීමට...

සෞඛ්‍ය මාර්ගෝපදේශ අනුව මෙරටදී දේශීය හා ජාත්‍යන්තර සමුළු, සම්මන්ත්‍රණ හා ප්‍රදර්ශන යලි පැවැත්වීමට රජයේ අවධානය යොමු වෙයි. ඒ සඳහා අවශ්‍ය පියවර ගනිමින් සිටින බව සංචාරක ඇමති ප්‍රසන්න රණතුංග මහතා පවසයි.


කොවිඩ් 19 වසංගතය හේතුවෙන් මෙරට දේශීය හා ජාත්‍යන්තර සමුළු,සම්මන්ත්‍රණ හා ප්‍රදර්ශණ පැවැත්වීම පසුගිය මාර්තු මාසයේ සිට නතර කෙරිණ. සංචාරකයන්ට රට විවෘත කිරීමට සමගාමීව මේ සඳහා අවසර දීම රජයේ අවධානය යොමුව ඇති බවද ඇමතිවරයා පෙන්වා දෙයි.

“Be Sri Lankan Buy Sri Lankan ” දේශීය නිෂ්පාදන ප්‍රදර්ශනයේ හා ලංකා පැක් ප්‍රදර්ශනය හා සමුළුවේ සමාරම්භක අවස්ථාවට එක්වෙමින් පහුගියදා ඇමතිවරයා මේ බව සඳහන් කළේය. මෙම ප්‍රදර්ශන දෙක කොළඹ සිරිමාවෝ බණ්ඩාරනායක අනුස්මරණ ශාලාවේදී එකම දිනකදී ආරම්භ කෙරිණි. මෙරට දේශීය හා ජාත්‍යන්තර සමුළු,සම්මන්ත්‍රණ හා ප්‍රදර්ශන පැවැත්වීම ආරම්භ කිරීමේ නියමු ව්‍යාපෘතිය යටතේ මෙම ප්‍රදර්ශන සංවිධානය කර තිබීම විශේෂත්වයකි.

මෙහිදී වැඩිදුරටත් අදහස් දැක්වූ ඇමති ප්‍රසන්න රණතුංග මහතා මෙසේද කීවේය.

“වත්මන් රජය දේශීය නිෂ්පාදන හා කර්මාන්තකරුවන් දිරිගැන්වීම සඳහා විශේෂ අවධානයක් යොමුකර තිබෙනවා. පසුගිය අය වැයේදීත් අපි ඒ වෙනුවෙන් විශේෂ සහන රැසක් ලබා දුන්නා. මෙරට ජනතාව දේශීය නිෂ්පාදන මිලදී ගැනීම සඳහා පෙළඹවීමට කොවිඩ් වසංගතයත් කිසියම් හේතුවක් වුණා. පහුගිය කාලේ කොවිඩ් වසංගතයත් එක්ක පිට රටින් බඩු එන එක අඩු වුණා. ඒකත් එක්ක රටේ ජනතාවට දේශීය නිෂ්පාදන වල වටිනාකම දැනෙන්න පටන් ගත්තා. දේශීය නිෂ්පාදන රටේ වැඩි වෙනකොට ඊට වෙළඳපලක් අවශ්‍යයි. එවැනි වෙළඳපලක් ඇති කරන්න මෙවැනි ප්‍රදර්ශන, සම්මන්ත්‍රණ ඉතා වැදගත්.

කොවිඩ් වසංගතය නිසා මේ රටේ ප්‍රදර්ශන, සම්මන්ත්‍රණ හා සමුළු පැවැත්වීම නතර කරන්න වුණා. නමුත් දැන් සංචාරකයන්ට රට විවෘත කරලා තියෙන්නේ. ඊට සමගාමීව අපි මේ වෙළඳපල සකස් කර ගැනිම සඳහා දේශීය හා ජාත්‍යන්තර සම්මන්ත්‍රණ, සමුළු හා ප්‍රදර්ශණ පැවැත්විම යලි ආරම්භ කරනවා. හැබැයි එය සිදුවන්නේ සෞඛ්‍ය අංශ නිර්දේශ මත පමණයි. මේ සම්බන්ධයෙන් සෞඛ්‍ය අංශ හා අනෙකුත් පාර්ශව සමග සාකච්ඡා කරගෙන යනවා. ඒ සඳහා ආරම්භයක් විදියට අපි නියමු ව්‍යාපෘතියක් ආරම්භ කලා. එහි පලමුවැන්න තමයි අද මේ පැවැත්වෙන්නේ.

කර්මාන්ත ඇමති විමල් වීරවංශ මහතා –

අද අපි කොවිඩ් වසංගතයත් එක්ක නව සාමාන්‍යකරණ ප්‍රතිපත්තියක් තමයි අනුගමනය කරන්නේ. අපිට විදෙස් ඇමතිවරයෙක් ඉන්නවා කොවිඩ් නිසා කිසිම රටකට යා ගන්න බැරි. සංචාරක ඇමතිවරයෙක් ඉන්නවා කිසිම සංචාරයක් කරගන්න බැරි. ක්‍රීඩා ඇමතිතුමෙක් හිටියා කිසිම සෙල්ලමක් කරගන්න බැරිව. පස්සේ එතුමා ඒ අභියෝගය ජයගත්තා. සංචාරක ඇමතිතුමත් ඒ අභියෝගයට මුහුණ දෙමින් ඉන්නවා. අපිට අද ජීවත් වෙන්න වෙලා තියෙන්නේ එවැනි අභියෝගාත්මක තත්වයක. ඒකට අපි හැඩගැහෙන්න වෙලා තියෙනවා. ඒකට අනූකූලව නව සාමාන්‍යකරණ තත්වය යටතේ අපේ දේශපාලන, සමාජ ආර්ථික ක්‍රියාකාරකම් පවත්වාගෙන යන්න වෙලා තියෙනවා. කොවිඩ් 19ට බයවෙලා අපිට සම්පූර්ණයෙන්ම හැමදේම අතහැරලා ඉන්න බෑ. සෞඛ්‍ය මාර්ගෝපදේශ වලට අනුව මේ ප්‍රදර්ශන, සමුළු හා සම්මන්ත්‍රණ පවත්වමින් මෙරට ආර්ථිකයට පිටුවහලක් විය යුතුයි.

ඇසුරුම් කරන කර්මාන්තය සෙසු කර්මාන්ත එක්ක සංසන්ධනය කරද්දි සැලකිය යුතු දියුණුවක් ලබා ගෙන තිබෙනවා. ඇසුරුම්කරණය හැකිතාක් පරිසර හිතකාමීව සිදුවි යුතුයි. නව පරම්පරාව අතීත පරම්පරාවට වඩා පරිසරයට ආදරය කරනවා. ඇසුරුම්කරණයේදී සිටින මඟීන්ට ඒ සඳහා අවශ්‍ය උපාය මාර්ග සකස් කර රජය ඊට අවශ්‍ය අනුග්‍රහය ලබාදීමට කටයුතු කරනවා. අපේ රජයේ ප්‍රධාන ප්‍රතිපත්තියක් තමයි දේශීය නිෂ්පාදනය බලගැන්වීම. ඒ සඳහා අවශ්‍ය පියවර ගනිමින් ඉන්නවා. මොන අභියෝග එල්ලවුනත් දේශීය කර්මාන්ත නංවාලීම සඳහා ගතයුතු ගතහැකි සෑම පියවරක්ම ගන්නවා. ”

ප්‍රාථමික සෞඛ්‍ය හා කොවිඩ් රෝහල පාලනය කිරීමේ රාජ්‍ය අමාත්‍යංශයේ ලේකම් හර්ෂ අමල් ද සිල්වා මහතා ද මෙහිදී අදහස් දැක්වූයේය.  

- Advertisement -

More articles

LEAVE A REPLY

Please enter your comment!
Please enter your name here

- Advertisement -

Latest article

අර්බුදය උපරිමයේ… ICU කොරෝනා ලෙඩුන්ගෙන් පිරී යයි.. රජයේ රෝහල්වල සාමාන්‍ය සැත්කම් නවතා දමයි.

රජයේ රෝහල්වල දැඩි සත්කාර ඒකක ඇඳන් කොරෝනා ආසාදිතයන්ගෙන් පිරී යන තත්ත්වයක් මේ වන විට උද්ගතව තිබීම හේතුවෙන්...

කොවිඩ් ප්‍රතිකාර මධ්‍යස්ථාන සහ පහසුකම් සෞඛ්‍ය අමාත්‍යවරියගේ නිරික්ෂණයට – නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09ක්

කොවිඩ් මර්දන වැඩපිළිවෙල පළාත් මට්ටමින් නිරීක්ෂණයට සහ සම්බන්ධීකරණයට නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09 ක් පත් කළ...

මහ ජාතික ව්‍යවසනයක් ඉදිරියේ.. විශාල පිරිසක් මිය යාවි..- ජනපතිට තීරණාත්මක ලිපියක්…

ට පුරා සිදුවෙමින් ඇති කොරෝනා වෛරස ව්‍යාප්තිය මත දැඩි සංචරණ සීමා ඉක්මනින්ම පැනවීමට කටයුතු නොකරන්නේ නම් ඉදිරියේදී...

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදෙනවා – ඇමති ප්‍රසන්න රණතුංග

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදීමට...

ලොක්ඩවුන් ගැන ඖෂධ ඇමති කියයි…

මේ මොහොතේ රට වසා දැමීම සම්බන්ධයෙන් ගනු ලබන්නේ දේශපාලන තීන්දුවක් නොව සෞඛ්‍ය හා ආරක්‍ෂක අංශ ඒකාබද්ධව ගනු...