Wednesday, July 28, 2021

යාපනය විශ්ව විද්‍යාලයේ කෘෂිවිද්‍යා පීඨයට පර්යේෂණ හා පුහුණු සංකීර්ණයක්

Must read

අර්බුදය උපරිමයේ… ICU කොරෝනා ලෙඩුන්ගෙන් පිරී යයි.. රජයේ රෝහල්වල සාමාන්‍ය සැත්කම් නවතා දමයි.

රජයේ රෝහල්වල දැඩි සත්කාර ඒකක ඇඳන් කොරෝනා ආසාදිතයන්ගෙන් පිරී යන තත්ත්වයක් මේ වන විට උද්ගතව තිබීම හේතුවෙන්...

කොවිඩ් ප්‍රතිකාර මධ්‍යස්ථාන සහ පහසුකම් සෞඛ්‍ය අමාත්‍යවරියගේ නිරික්ෂණයට – නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09ක්

කොවිඩ් මර්දන වැඩපිළිවෙල පළාත් මට්ටමින් නිරීක්ෂණයට සහ සම්බන්ධීකරණයට නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09 ක් පත් කළ...

මහ ජාතික ව්‍යවසනයක් ඉදිරියේ.. විශාල පිරිසක් මිය යාවි..- ජනපතිට තීරණාත්මක ලිපියක්…

ට පුරා සිදුවෙමින් ඇති කොරෝනා වෛරස ව්‍යාප්තිය මත දැඩි සංචරණ සීමා ඉක්මනින්ම පැනවීමට කටයුතු නොකරන්නේ නම් ඉදිරියේදී...

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදෙනවා – ඇමති ප්‍රසන්න රණතුංග

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදීමට...

ජපානයේ ජයිකා (JICA) ආයතනයේ අනුග්‍රහයෙන් යාපනය විශ්වවිද්‍යාලයේ කෘෂිවිද්‍යා පීඨයට අභිනවයෙන් එක්වූ පර්යේෂණ හා පුහුණු සංකීර්ණය සිසු අයිතියට පත් කිරීමේ උත්සවය අධ්‍යාපන අමාත්‍ය මහාචාර්ය ජී.එල්. පීරිස් මහතාගේ සහ ජපන් තානාපති අකිරා සුගියාමා මහතාගේ ප්‍රධානත්වයෙන්   (5) යාපනය විශ්වවිද්‍යාලයට අනුබද්ධ කිලිනොච්චිය කෘෂි විද්‍යාපීඨ ශ්‍රවණාගාරයේ දී පැවැත්විණි.


පර්යේෂණ හා පුහුණු, ගොවිපල කළමනාකරණය සහ සැකසුම් පුහුණුව සඳහා විශේෂයෙන් ඉදිකරන ලද ගොඩනැගිලි ත්‍රිත්වයකින් මෙම කෘෂිවිද්‍යා සංකීර්ණය සමන්විත වන අතර, මේ සඳහා ජපන් රජය රුපියල් මිලියන 22 ක (බිලියන 2.2) මූල්‍ය ආයෝජනයක් සිදු කොට ඇත.
මෙහිදී අදහස් දැක් වූ අධ්‍යාපන අමාත්‍යවරයා, කර්මාන්ත සංවර්ධනය අපේ රටේ ඉතා වැදගත් කටයුත්තක් බව ද, රටේ ජනගහනයෙන් බහුතරය කෘෂිකර්මය මත යැපෙන අතර ප්‍රධාන ජීවනෝපායන මාර්ගය වන්නේ කෘෂිකර්මය බව පෙන්වා දුන් අතර මහන්සි වී වැඩ කරන ජනතාවක් වන උතුරේ ජනතාවගේ බලාපොරොත්තු මල්ඵල ගැන්වීමට රජයෙන් යම් යම් දේ කළ යුතුව තිබෙන බවද නවීන තාක්ෂණය කෘෂිකර්මයට එකතු කිරීම ඒ අතර ප්‍රධාන අවශ්‍යතාවක් වන බව ද පෙන්වා දුන්නේ ය. සාම්ප්‍රදායික ක්‍රමවේද පමණක් කර්මාන්ත සංවර්ධනයේ දී කාලෝචිත නොවන බවත් නව තාක්ෂණයේ සහාය ද ඊට යොදාගත යුතු බවත් අවධාරණය කළ අමාත්‍යවරයා, ජපන් රජය ඒ සඳහා ලබා දුන් සහයෝගය වෙනුවෙන් ජපන් තානාපති අකිරා සුගියාමා මහතා වෙත තම කෘතවේදීත්වය පළ කරන බව ද පැවසීය .
තාක්ෂණය, පුහුණුව පර්යේෂණ හා කළමනාකරණය යන සියලු අංශ සම්බන්ධයෙන් පූර්ණ අවධානය යොමු කරමින් ජපන් රජය විසින් මෙම කෘෂි විද්‍යා පර්යේෂණ හා පුහුණු සංකීර්ණය ලබාදී ඇති බව ද අමාත්‍යවරයා පෙන්වා දුන්නේ ය. රට තුළ ජීවන වියදම පාලනය කිරීම සඳහා කළ යුත්තේ නිෂ්පාදන වර්ධනය කිරීම බව ද, ගොවි මහතුන්ගෙන් පාරිභෝගිකයා වෙත නිෂ්පාදන ළඟා වන විට එයින් වැඩි වාසි ගන්නේ අතරමැදියා බවත්, අපේ රටේ අලෙවිකරණය පිළිබඳ උග්‍ර ගැටලු පවතින බවත් , ඒවා විසඳීමට ඉදිරිපත්වීම රජයේ ප්‍රමුඛ අවශ්‍යතාවක් සහ වගකීමක් වන බවත් පෙන්වා දුන්නේ ය. එමෙන්ම, රටේ අභ්‍යන්තරයෙහි පමණක් නොව, දේශීය නිෂ්පාදන ජාත්‍යන්තරය වෙත යොමු කිරීමෙන් වටිනා විදේශ විනිමය ලබාගැනීමට හැකි තත්ත්වයක් තිබෙන බව ද, ඒ සඳහා වන ප්‍රධාන අවශ්‍යතාව වන්නේ නිෂ්පාදනවලට අගය එකතු කිරීම බවත්, රටේ ආර්ථිකය විශාල ලෙස ශක්තිමත් කිරීමට එමගින් හැකිවනු ඇති බවත් අමාත්‍යවරයා වැඩිදුරටත් පැහැදිලි කළේ ය.
මේ සඳහා විශ්වවිද්‍යාලවලින් විශාල කාර්යභාරයක් ඉටුකළ හැකි වේ යැයි අපේක්ෂා කරන බව පැවසූ අමාත්‍යවරයා, එක් එක් විශ්වවිද්‍යාලයේ සහජ ශක්තිය හදුනාගනිමින් එකිනෙකට ආවේණික වූ විෂයන් පිළිබඳ අවධානය යොමුකර ඒවා සංවර්ධනය කිරීම වඩාත් යෝග්‍ය ප්‍රතිපත්තිය ලෙස රජය හඳුනාගෙන ඇති බවද පැවසී ය. රටේ කෘෂි ආර්ථිකය දියුණු කිරීම සම්බන්ධව වියළි කලාපය ඉතා වැදගත් වන බවත්, එහිලා යාපනය විශ්වවිද්‍යාලයේ අභිනව කෘෂිවිද්‍යා පුහුණු හා පර්යේෂණ සංකීර්ණයට සුවිශේෂ කාර්යභාරයක් පැවරෙන බව ද අධ්‍යාපන අමාත්‍යවරයා සඳහන් කළේය . ගෝඨාභය රාජපක්ෂ ජනාධිපතිතුමාගේ සහ මහින්ද රාජපක්ෂ අගමැතිතුමාගේ උපදෙස් හා මගපෙන්වීම යටතේ ක්‍රියාත්මක වන වත්මන් රජය රටේ ආර්ථික සංවර්ධනයේ ප්‍රතිලාභ කොළඹ හා තදාසන්න ප්‍රදේශවලට පමණක් නොව ,මුළු මහත් දිවයිනටම අත්පත් කරදීමට, අපේක්ෂා කරන බවත්, ඒ වෙනුවෙන් රජය ඇප කැප වන බවත් පැවසීය .
මේ අවස්ථාවට ධීවර අමාත්‍ය ඩග්ලස් දේවානන්ද, අධ්‍යාපන අමාත්‍යාංශයේ ලේකම් මහාචාර්ය කපිල පෙරේරා, විශ්වවිද්‍යාල ප්‍රතිපාදන කොමිෂන් සභාවේ සභාපති ජ්‍යෙෂ්ඨ මහාචාර්ය සම්පත් අමරතුංග, යාපනය විශ්වවිද්‍යාලයේ උපකුලපති එස් ශ්‍රී සද්ගුණ රාජා, පාර්ලිමේන්තු මන්ත්‍රී සහ යාපනය දිස්ත්‍රික් සම්බන්ධීකරණ කමිටු සභාපති අංගජන් රාමනාදන්, කෘෂි විද්‍යා පීඨාධිපති ආචාර්ය කේ සූරියකුමාර් මහතා ඇතුළු සම්භාවනීය අමුත්තන් රැසක් එක්ව සිටියහ.

- Advertisement -

More articles

LEAVE A REPLY

Please enter your comment!
Please enter your name here

- Advertisement -

Latest article

අර්බුදය උපරිමයේ… ICU කොරෝනා ලෙඩුන්ගෙන් පිරී යයි.. රජයේ රෝහල්වල සාමාන්‍ය සැත්කම් නවතා දමයි.

රජයේ රෝහල්වල දැඩි සත්කාර ඒකක ඇඳන් කොරෝනා ආසාදිතයන්ගෙන් පිරී යන තත්ත්වයක් මේ වන විට උද්ගතව තිබීම හේතුවෙන්...

කොවිඩ් ප්‍රතිකාර මධ්‍යස්ථාන සහ පහසුකම් සෞඛ්‍ය අමාත්‍යවරියගේ නිරික්ෂණයට – නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09ක්

කොවිඩ් මර්දන වැඩපිළිවෙල පළාත් මට්ටමින් නිරීක්ෂණයට සහ සම්බන්ධීකරණයට නියෝජ්‍ය සෞඛ්‍ය සේවා අධ්‍යක්ෂ ජනරාල්වරුන් 09 ක් පත් කළ...

මහ ජාතික ව්‍යවසනයක් ඉදිරියේ.. විශාල පිරිසක් මිය යාවි..- ජනපතිට තීරණාත්මක ලිපියක්…

ට පුරා සිදුවෙමින් ඇති කොරෝනා වෛරස ව්‍යාප්තිය මත දැඩි සංචරණ සීමා ඉක්මනින්ම පැනවීමට කටයුතු නොකරන්නේ නම් ඉදිරියේදී...

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදෙනවා – ඇමති ප්‍රසන්න රණතුංග

ගම්පහ වැරැල්ලවත්ත කොවිඩ් අතරමැදි ප්‍රතිකාර මධ්‍යස්ථානයේ ඉදිකිරීම් අවසන් කර සති 02 ක් තුළ සෞඛ්‍ය අංශ වෙත භාරදීමට...

ලොක්ඩවුන් ගැන ඖෂධ ඇමති කියයි…

මේ මොහොතේ රට වසා දැමීම සම්බන්ධයෙන් ගනු ලබන්නේ දේශපාලන තීන්දුවක් නොව සෞඛ්‍ය හා ආරක්‍ෂක අංශ ඒකාබද්ධව ගනු...