Sunday, April 18, 2021

පරිසර අමාත්‍යාංශය විසින් පවත්වන සාකච්ඡා,රැස්වීම් මින්පසු එළිමහනේ

Must read

ජාතීන් අතර අවබෝධය ඇති කරලීමට ඇති හොඳම විසඳුම ඵලදායි සන්නිවේදනයට අවස්ථාව ලබාදීමයි- අධ්‍යාපන අමාත්‍ය

ජාතීන් හෝ ආගම් අනුව අපේ තරුණ පරපුරට බරපතළ වෙනස්කම් නොමැති බවත්, ඔවුන්ගේ මූලික අරමුණු එක හා සමාන...

රත් කලාට වැඩක් නෑ… ආහාරවල ඇෆ්ලටොක්සින් ඉවත් කරන විදිහ මෙන්න..

ආහාර සහ පාන වර්ගවල ඇති ඇෆ්ලටොක්සින් පිළිකාකාරක රත් කිරීමෙන් ඉවත් කළ නොහැකි බව පේරාදෙණිය විශ්ව විද්‍යාලයේ මහාචාර්ය...

රත්මලාන ගුවන්තොටුපල විනෝදාස්වාදය කේන්ද්‍රකරගත් ගුවන් මධ්‍යස්ථානයක් ලෙස ප්‍රවර්ධනයට සැලසුම් – සංචාරක ඇමති

රත්මලාන ගුවන්තොටුපොළ විනෝදාස්වාද ගුවන් ගමන් (Leisure Flying) මධ්‍යස්ථානයක් ලෙස ප්‍රවර්ධනය කෙරේ. දේශීය ගුවන් කේන්ද්‍රස්ථානයක්...

ආණ්ඩුවේ ඉන්නවා නම් ආණ්ඩුව විවේචනය නොකරනු.. කට වහගනු..- ශ‍්‍රීලනිපයට දන්වයි…

ආණ්ඩුවේ සිටින්නේ නම් ආණ්ඩුව විවේචනය නොකර සිටීමට ශ්‍රී ලංකා නිදහස් පක්ෂ මහලේකම්වරයා දැනගත යුතු බව අමාත්‍ය රෝහිත...

පරිසර අමාත්‍යාංශය විසින් පවත්වන සාකච්ඡා , රැස්වීම් මින්පසු ශ්‍රවණාගාර තුළ නොපවත්වා එළිමහනේ පැවැත්වීමට කටයුතු කරන බව පරිසර අමාත්‍ය මහින්ද අමරවීර මහතා පවසයි.

අප රටේ දවල් කාලයට පැය 07ක් 08ක් යන තෙක් හොඳට හිරු එළිය ලැබෙනවා. නමුත් අපේ කාර්යාල හැම එකකම මහදවාළේත් විදුලි පහන් දල්වාගෙන තමයි ඉන්නේ. හොඳට සුළං හමන රටක මුලු දවස පුරාම වායුසමීකරණ යන්ත්‍ර ක්‍රියාත්මක කරනවා. ජාතික ධනය හා සම්පත් විශාල වශයෙන් නාස්ති වෙනවා. ඒ නිසා අපි පරිසර අමාත්‍යාංශය විදියට තීරණය කළා මින් පසු අපි පවත්වන මාණ්ඩලික නිලධාරින්ගේ සාකච්ඡා, රැස්වීම් සියල්ලම අපේ අමාත්‍යාංශ පරිශ්‍ර යේ තිබෙන සුන්දර වන අරණ තුළ පවත්වන්න යැයි අමාත්‍යවරයා පැවැසීය.

ඒ අනුව ඊයේ ප්‍රථම වරට නැකතට පැළයක් බීජ රෝපණ වැඩ සටහන පරිසර අමාත්‍යාංශ පරිශ්‍ර යේ පිහිටි සුන්දර වන අරණ තුළ පවත්වනු ලැබීය. රුක් ගොමුව නිසා දවල් කාලයේ වුවද ඉතා සිසිල් පරිසර තත්ත්වයක් පැවැති අතර සියලු නිලධාරින් මෙම වැඩ සටහන අගය කරනු ලැබීය. මෙම අවස්ථාවට පුජ්‍ය පක්ෂය නියෝජනය කරමින් බෞද්ධ හා හින්දු පූජක තුමන්ලා ද සහභාගි වු අතර මෙම නවමු අත්දැකීම උන්වහන්සේ ලා ද අගය කළහ.

එහිදී අදහස් පළ කළ අමාත්‍යවරයා-

අපේ රටේ හැම රජයේ හා පුද්ගලික ආයතනයකම ශ්‍රවණාගාර දෙකක් හෝ තුනක් තිබෙනවා. ඒ වගේම හැම නගරයකම සම්මන්ත්‍රණ ශාලා ගණනාවක් තිබෙනවා. පාසැල් පද්ධතියේ බහුතරයකම ශ්‍රවණාගාර තිබෙනවා. මේවා නඩත්තුවට රජය විශාල මුදලක් වාර්ෂිකව වැය කරනවා. නමුත් අමාත්‍යාංශයක හෝ දෙපාර්තමේන්තුවක මොකක් හරි රැස්වීමක් පවත්වන්න සිදු වුනොත් ඒ සඳහා යොදාගන්නේ තරු පහේ හෝටල්. ඒවාට වෙනමම වියදම් කරනවා.

අපි මෙම සංස්කෘතිය වෙනස් කළ යුතුයි. ජාත්‍යන්තර සම්මන්ත්‍රණයක් වුනත් සුන්දර පරිසර කලාපයක් තුළ එළිමහනේ පැවැත්වීමට පුලුවන්. මං හිතන්නේ එමගින් අපේ මිනිස්සුන්ට පරිසරය ආරක්ෂා කිරීමේ වගකීම හා අවශ්‍යතාවය පැහැදිළි කර දෙන්න පුලුවන්.

ඒ නිසා මම තීරණය කළා ඒ ආදර්ශය අපි පරිසර අමාත්‍යාංශයෙන් ආරම්භ කරන්න. මම ධීවර අමාත්‍යවරයා වශයෙන් කටයුතු කරද්දී රැස්වීම්වලට තරු පහේ හෝටල් යොදා ගැනීම සම්පුර්ණයෙන්ම නතර කළා. අපි ඒවා පැවැත්වුයේ රාජ්‍ය අංශයේ ශ්‍රවණාගාරවල. නමුත් අද අපි මෙම නැකතට පැළයක් වැඩ පිළීවෙළ සමාරම්භක උත්සවය මෙම සුන්දර වන අරණ තුළ පැවැත්වීමට තීරණය කළා. දැන් වේලාව පෙරවරු 11යි. ඒ වුනත් මෙම රුක්ගොමුවේ තිබෙන සිසිලස නිසා අව් රශ්මිය දැනෙන්නේ නැහැ. මෙවැනි රුක් ගොමුවක් හැම රාජ්‍ය හා පුද්ගලික කාර්යාල පරිශ්‍රයකම පහසුවෙන් පිහිටුවා ගන්න පුලුවන්.

අපේ රටේ විශේෂ අවධානයක් යොමු කර වන වගා කරන්න අවශ්‍යතකාවයක් නැහැ. ඉවත දමන දණ්ඩක් වුවත් දළු දාලා පැළවෙන සරු පොළවක් අපිට තියෙනවා. ගැටළුව තියෙන්නේ ඒ පොළවෙන් නිසි ප්‍රයෝජන තවමත් අපි ලබා නොගැනීමයි.

අපි ගොඩනැගිලි හදලා තියෙන්නේ මහ දවාළේත් ලයිට් දාගෙන වායු සමීකරණ දාගෙන ඉන්න. හරියට බ්‍රොයිලර් කුකුල්ලු වාගේ. ලයිට් නැත්නම් මොකුත් කරන්න බැහැ. නමුත් ලස්සන පරිසරයක් තියාගෙන අපි ඒවායින් නිසි ප්‍රයෝජන ගන්නේ නැතැයි ද අමාත්‍යවරයා මෙහිදී කීය.

වැඩිදුරටත් අදහස් පළ කළ අමාත්‍යවරයා අපි අපේ බාල පරම්පරාව වත් මේ නව සංස්කෘතියකට හුරු කළ යුතුයි. පරිසරයට ආදරය කරන, ගහකොළ වලට ආදරය කරන, වන සතුන්ට, පක්ෂීන්ට ආදරය කරන පරපුරක් හදන්න නම් පරිසරය සමග ජීවත් වෙන හැටි ඒ අයට කියා දෙන්න ඕනෑ.

අද පරිසරය කියන්නේ සාක්කුවට සල්ලි උණන උල්පතක් විදියට සමහරු හිතනවා. විශේෂයෙන් සමහර දේශපාලකයෝ හා ව්‍යාපාරිකයෝ . වැලි කපනවා. මැටි කපනවා. කළුගල් කඩනවා, පස් කපනවා. ඒවට බලපත් ඉල්ලාගෙන පෝලිමේ එනවා. සමහරුන්ට වුවමනා පරිසරයට හෙණ ගහළා ගියත් කමක් නෑ තමන්ගේ මල්ල පුරවා ගන්න.

මම එක් කාරණයක් මතක් කරන්න කැමැතියි. පරිසරය විනාශ කරන පුද්ගලයින්ට එහි විපාක අත් විඳින්න සිදුවෙන්නේ වැල් පොලියත් එක්ක. ඒක තමයි 2004 සුනාමියෙන් අපිට කියා දුන්න පාඩම. ඒක තමයි වරින්වර සිදුවන නායයාම්වලින් අපිට කියා දෙන පාඩම යැයි ද අමාත්‍යවරයා සඳහන් කළේය.

පරිසර අමාත්‍යාංශ පරිශ්‍ර යේ පිහිටි වන අරණ සාකච්ඡා මණ්ඩපයකට සුදුසු අයුරින් සංවර්ධනය කරන ලෙස ද අමාත්‍යවරයා අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ මහතාට උපදෙස් දුන්නේය.

- Advertisement -

More articles

LEAVE A REPLY

Please enter your comment!
Please enter your name here

- Advertisement -

Latest article

ජාතීන් අතර අවබෝධය ඇති කරලීමට ඇති හොඳම විසඳුම ඵලදායි සන්නිවේදනයට අවස්ථාව ලබාදීමයි- අධ්‍යාපන අමාත්‍ය

ජාතීන් හෝ ආගම් අනුව අපේ තරුණ පරපුරට බරපතළ වෙනස්කම් නොමැති බවත්, ඔවුන්ගේ මූලික අරමුණු එක හා සමාන...

රත් කලාට වැඩක් නෑ… ආහාරවල ඇෆ්ලටොක්සින් ඉවත් කරන විදිහ මෙන්න..

ආහාර සහ පාන වර්ගවල ඇති ඇෆ්ලටොක්සින් පිළිකාකාරක රත් කිරීමෙන් ඉවත් කළ නොහැකි බව පේරාදෙණිය විශ්ව විද්‍යාලයේ මහාචාර්ය...

රත්මලාන ගුවන්තොටුපල විනෝදාස්වාදය කේන්ද්‍රකරගත් ගුවන් මධ්‍යස්ථානයක් ලෙස ප්‍රවර්ධනයට සැලසුම් – සංචාරක ඇමති

රත්මලාන ගුවන්තොටුපොළ විනෝදාස්වාද ගුවන් ගමන් (Leisure Flying) මධ්‍යස්ථානයක් ලෙස ප්‍රවර්ධනය කෙරේ. දේශීය ගුවන් කේන්ද්‍රස්ථානයක්...

ආණ්ඩුවේ ඉන්නවා නම් ආණ්ඩුව විවේචනය නොකරනු.. කට වහගනු..- ශ‍්‍රීලනිපයට දන්වයි…

ආණ්ඩුවේ සිටින්නේ නම් ආණ්ඩුව විවේචනය නොකර සිටීමට ශ්‍රී ලංකා නිදහස් පක්ෂ මහලේකම්වරයා දැනගත යුතු බව අමාත්‍ය රෝහිත...

කිරුළපන සිරි ඇලන් මැතිණියාරාමයේ දානමය පින්කම ජනපති සහභාගිත්වයෙන්

කිරුළපන සිරි ඇලන් මැතිණියාරාමයේ අභිනවයෙන් ඉදිකළ දාන ශාලාව, ගිනි හල් ගෙය, ආවාස මන්දිරය සහ සක්මන් භාවනා උද්‍යානය...